Tasdiqlangan ish reja asosida Xalq deputatlari Jondor tumani Kengashining ijtimoiy soha, yoshlar siyosati, madaniyat va sport masalalari bo‘yicha doimiy komissiyasi raisi H.Qarayeva hamda tuman Kengashi kotibiyati bosh mutaxassislari J.Norov va R.Murodovlar hamkorligida “Zarafshon” mahallasi hududida joylashgan Respublika Ma’naviyat va ma’rifat markazi Jondor tumani bo‘limi faoliyati o‘rganildi.

✔️O‘rganish davomida bo‘lim tomonidan aholining, ayniqsa yoshlarning ma’naviy-ma’rifiy saviyasini yuksaltirish, milliy qadriyatlarimizni targ‘ib qilish, kitobxonlik madaniyatini rivojlantirish hamda turli ma’naviy-ma’rifiy tadbirlarni tashkil etish borasida amalga oshirilayotgan ishlar bilan tanishildi.

✔️Shuningdek, markaz faoliyatining samaradorligi, tadbirlarning qamrovi, mahallalar, ta’lim muassasalari va boshqa hamkor tashkilotlar bilan olib borilayotgan hamkorlik ishlari tahlil qilindi. O‘rganish jarayonida mavjud imkoniyatlardan yanada samarali foydalanish, ma’naviy-ma’rifiy tadbirlar ko‘lamini kengaytirish va yoshlar ishtirokini oshirish yuzasidan tegishli tavsiyalar berildi.

✔️Ta’kidlanganidek, jamiyatda yuksak ma’naviyatni shakllantirish, yoshlarni vatanparvarlik, milliy va umuminsoniy qadriyatlarga hurmat ruhida tarbiyalashda Respublika Ma’naviyat va ma’rifat markazi muhim o‘rin tutadi. Shu bois mazkur yo‘nalishdagi ishlarni tizimli ravishda qo‘llab-quvvatlash va nazorat qilish dolzarb vazifalardan biri hisoblanadi.

✔️O‘rganish yakunlari bo‘yicha aniqlangan holatlar yuzasidan tegishli taklif va tavsiyalar ishlab chiqilib, faoliyat samaradorligini yanada oshirish bo‘yicha amaliy choralar belgilab olindi.