Xalq deputatlari tuman Kengashi deputatlari N.Turdiyev, Y.Berdiyarov, tuman hokimi o‘rinbosarlari hamda mas’ul tashkilotlar rahbarlari ishtirokida Yangi davr mahallasida fuqarolar bilan uchrashuv o‘tkazilib, ularning murojaat va takliflari tinglandi.

Uchrashuv davomida ayrim murojaatlar mas’ullar ishtirokida joyiga chiqqan holda o‘rganilib, tegishli choralar ko‘rish orqali ijobiy yechimini topdi. Jumladan, Terakzor ko‘chasida istiqomat qiluvchi fuqaro davolanishi uchun amaliy yordam so‘rab murojaat qildi. Mazkur murojaat yuzasidan tegishli tashkilotlar tomonidan amaliy ko‘mak ko‘rsatish choralari belgilandi.

Shuningdek, Yoshlar ko‘chasida yashovchi fuqaro ko‘p qavatli uyning kirish qismida is gazi sizib chiqayotgani yuzasidan murojaat qildi. Holat mas’ullar tomonidan joyida o‘rganilib, xavfsizlikni ta’minlash va muammoni bartaraf etish bo‘yicha tegishli choralar ko‘rildi.