Ariq Usti mahallasi raisi faoliyati o‘rganildi

🚨 Kengash kotibiyati bosh mutaxassisi Z.O‘zbekovaga biriktirilgan 3-Tog‘chi saylov okrugidagi Ariq Usti mahalla fuqarolar yig‘ini raisi faoliyati tuman Kengashi kotibiyati mudiri O‘.Murodov, kotibiyat xodimi hamda mahalla profilaktika inspektori hamkorligida joyiga chiqqan holda o‘rganildi.

🚨 O‘rganish davomida mahalla raisining hududda aholi bilan ishlashi, fuqarolarning murojaatlarini ko‘rib chiqishi, mavjud muammolarni aniqlash va ularni hal etish bo‘yicha olib borayotgan ishlari ko‘zdan kechirildi. Shuningdek, mahalladagi obodonlashtirish va sanitariya holatini yaxshilash, aholi o‘rtasida tinchlik va osoyishtalikni ta’minlash hamda jamoatchilik nazoratini tashkil etish borasidagi faoliyatiga e’tibor qaratildi.

🚨 Bundan tashqari, mahalla raisining hokim yordamchisi, yoshlar yetakchisi, xotin-qizlar faoli, profilaktika inspektori va boshqa mas’ullar bilan hamkorligi, hududdagi ijtimoiy masalalarni hal etishga qaratilgan ishlarni muvofiqlashtirish holati ham o‘rganildi. Mahalla raisi faoliyatida aholi bilan ochiq muloqot va fuqarolar muammolarini amaliy hal etish muhim yo‘nalishlardan biri hisoblanadi.

🚨 O‘rganish yakunlari bo‘yicha aniqlangan masalalar yuzasidan tegishli tavsiya va takliflar berilib, mahallada ishlarni yanada tizimli tashkil etish, aholining murojaatlari bilan ishlash samaradorligini oshirish hamda hududdagi mavjud muammolarni o‘z vaqtida bartaraf etish bo‘yicha vazifalar belgilab olindi.