#Kengash_raisi_faoliyati
#mahalla_yettiligi_bilan_hamkorlik
#nazorat_tahlil

“Karmaki” mahallasidagi mavjud muammolar o‘rganildi

Xalq deputatlari tuman Kengashiga 21-“Karmaki” saylov okrugidan saylangan deputat B.Mo‘minovning hududidagi “Karmaki” mahallasida tuman Kengashi raisi J.Xudoyqulova tashkilot mas’ullari hamda mahalla raisi bilan birgalikda mahallada amalga oshirilayotgan ishlar va mavjud muammolarni muhokama qildi.

Uchrashuv davomida mahallada aholi murojaatlari bilan ishlash, hududni obodonlashtirish, infratuzilmani yaxshilash hamda fuqarolar uchun qulay shart-sharoitlar yaratish borasida amalga oshirilayotgan ishlar yuzasidan ma’lumotlar olindi.

Shuningdek, mahalla raisi tomonidan hududda mavjud bo‘lgan ichki yo‘llar, obodonlashtirish, kommunal xizmatlar hamda boshqa ijtimoiy masalalar bilan bog‘liq muammolar bildirildi.

Bildirilgan murojaat va muammolarni tegishli tashkilotlar bilan hamkorlikda o‘rganish, ularni imkon qadar ijobiy hal etish hamda zarur hollarda deputatlik nazorati doirasida tegishli choralar ko‘rish belgilandi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram