Xalq deputatlari Mirzo Ulug‘bek tumani Kengashi deputati, O‘zbekiston Ekologik partiyasi a’zosi Ravshan Umarov “Mirzakalon Ismoiliy” mahallasida obodonlashtirish va ko‘kalamzorlashtirish ishlari bo‘yicha amalga oshirilayotgan tadbirlarda bevosita ishtirok etib kelmoqda.  

Bugun deputat tomonidan “mahalla yettiligi” va “Mirzakalon Ismoiliy” fuqarolar yig‘ini mas’ullari ishtirokida bayram oldidan olib borilayotgan obodonlashtirish va ko‘kalamzorlashtirish ishlarining borishi joyida o‘rganildi.

O‘rganish davomida hudud qiyofasini tubdan yaxshilash, aholi uchun munosib sharoitlar yaratish borasidagi navbatdagi muhim chora-tadbirlar belgilab olinib, mutasaddilarga tegishli topshiriqlar berildi.

Xususan, shu kunning o‘zida ko‘chalar bo‘yidagi yovvoyi o‘t-o‘lanlar va qurigan shoxlar yig‘ishtirib olindi. Mazkur ishlarga qo‘shimcha maxsus texnikalar jalb etilib, markaziy ko‘chalar toza va obod maskanga aylantirilmoqda.