O‘zbekiston Respublikasi Prezidentining 2026-yil 24-iyundagi PF–116-son “Mahalla boshqaruvini samarali tashkil etishga oid qo‘shimcha chora-tadbirlar to‘g‘risida”gi Farmoni mazmun-mohiyatini aholi va mahalla faollariga yetkazish maqsadida Yunusobod tumanining Bodomzor mahallasida tushuntirish va targ‘ibot suhbati tashkil etildi.

📝Suhbat davomida mazkur Farmonda belgilangan vazifalar, xususan, mahalla institutining jamiyatdagi o‘rni va nufuzini yanada mustahkamlash, jamoatchilik boshqaruvi va nazoratini kuchaytirish, mahallalar faoliyatini raqamlashtirish, aholi bilan manzilli ishlash hamda hududlarda mavjud muammolarni tizimli hal etish masalalari yuzasidan batafsil tushuntirishlar berildi.

✅Shuningdek, Farmon ijrosini ta’minlash doirasida mahallalarda amalga oshiriladigan ustuvor vazifalar, davlat organlari va mutasaddi tashkilotlarning o‘zaro hamkorligini yanada kuchaytirish hamda aholi murojaatlarini o‘z vaqtida ko‘rib chiqish masalalariga alohida e’tibor qaratildi.

📌Suhbat yakunida Farmonda belgilangan topshiriqlarni sifatli va o‘z vaqtida amalga oshirish yuzasidan mas’ullarga tegishli tavsiyalar berilib, mazkur yo‘nalishdagi ishlar deputatlik nazoratida olib borilishi ta’kidlandi.

Bizni kuzatishda davom eting!