Xalq deputatlari Ishtixon tumani Kengashi deputatlari M.Raximov va N.Kiyamov tomonidan Yangikent mahallasidagi 40-sonli umumiy o‘rta ta’lim maktabida O‘zbekiston Respublikasining 2020-yil 23-sentabrdagi “Ta’lim to‘g‘risida”gi O‘RQ-637-sonli Qonuni ijrosi yuzasidan o‘rganish olib borildi.

O‘rganish davomida mazkur Qonunda belgilangan talablar asosida o‘quvchilarning sifatli ta’lim olishi uchun yaratilgan moddiy-texnik sharoitlar, jumladan, sinfxonalar, fan xonalari, kutubxona, sport zali hamda ta’lim jarayonida foydalaniladigan jihoz va vositalarning holatiga e’tibor qaratildi.

Qonunda ta’lim olish uchun teng imkoniyatlarni ta’minlash, ta’limning ochiqligi va uzluksizligini ta’minlash ta’lim sohasidagi asosiy prinsiplar sifatida belgilangan. Shu bilan birga, ta’lim oluvchilarning ta’lim tashkilotining o‘quv, uslubiy, madaniy, sport va maishiy obyektlaridan bepul foydalanish huquqi ham nazarda tutilgan.

Shundan kelib chiqib, maktabdagi mavjud moddiy-texnik imkoniyatlardan samarali foydalanish, o‘quvchilar uchun yaratilgan sharoitlarni yanada yaxshilash hamda ta’lim-tarbiya jarayoni sifatini oshirish masalalariga alohida e’tibor qaratildi.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)