МАҲАЛЛАДА ОБОДОНЛАШТИРИШ ИШЛАРИ ТАШКИЛ ЭТИЛДИ
Халқ депутатлари Янгиқўрғон тумани Кенгаши депутати Боймирзаев Улуғбек Муҳаммадович ташаббуси билан сайлов округида жойлашган маҳаллада «Долзарб 90 кун» тадбирлари доирасида кенг кўламли ободонлаштириш ишлари ташкил этилди.
Тадбирларда маҳалла фаоллари, нуронийлар, ёшлар ҳамда ҳудуд аҳолиси ҳамжиҳатликда иштирок этди. Ободонлаштириш ишлари давомида маҳалла кўчалари ва қабристонлар ҳудуди тартибга келтирилиб, чиқиндилардан тозаланди.
Шунингдек, ариқ ва зовурлар тозаланиб, сув йўлларининг равонлигини таъминлаш, кўчаларнинг санитария ҳолатини яхшилаш ҳамда аҳоли учун озода ва обод муҳит яратишга алоҳида эътибор қаратилди.
Депутат маҳалла аҳли билан мулоқот қилиб, ҳудуд ободлигини таъминлашда ҳар бир фуқаронинг иштироки муҳим эканини таъкидлади. Бундай хайрли ишлар маҳаллада ҳамжиҳатлик муҳитини мустаҳкамлаш, аҳоли ўртасида ободончилик маданиятини юксалтиришга хизмат қилади.
Ҳудудда тозалик ва ободликни сақлашга қаратилган ишлар изчил давом эттирилади.