24-Chinor saylov okrugi “Ishonch” mahallasida 35-sonli qaror ijrosi o‘rganildi

Xalq deputatlari Navoiy shahar Kengashi kotibiyati mudiri Jo‘rabek Hafizov hamda kotibiyat bosh mutaxassisi Diyorbek Toyirov 24-Chinor saylov okrugi hududidagi “Ishonch” mahalla fuqarolar yig‘inida bo‘lib, Oliy Majlis Senati Kengashining **35-sonli qarori ijrosi yuzasidan mahalla yettiligi bilan uchrashdilar.

Uchrashuvda mahallaning ijtimoiy-iqtisodiy holati, aholi bandligi, fuqarolar bilan manzilli ishlash hamda hududdagi mavjud muammolar muhokama qilindi.

Ma’lumotlarga ko‘ra, “Ishonch” mahalla fuqarolar yig‘ini hududi 22 gektar maydonni tashkil etadi. Mahallada 3076 ta xonadon, 2976 ta oila mavjud bo‘lib, jami aholi soni 7910 nafarni tashkil qiladi. Shundan 3916 nafari erkaklar, 3994 nafari ayollardir.

Aholining yosh tarkibiga ko‘ra, mahallada 1089 nafar maktab yoshigacha bo‘lgan bolalar, 3082 nafar voyaga yetmaganlar, 1817 nafar 14–30 yoshdagi yoshlar hamda 1037 nafar 60 yosh va undan katta keksalar istiqomat qiladi.

Ijtimoiy holat bo‘yicha mahallada 1528 nafar pensioner, shundan 1037 nafari ayollar, 491 ta boquvchisini yo‘qotgan oilalar, 8 nafar yolg‘iz keksalar hamda 6 nafar nogironligi bo‘lgan fuqarolar mavjud.

Uchrashuv davomida aholi bandligini ta’minlash, ishsiz fuqarolarni ish bilan ta’minlash, yoshlar va xotin-qizlarni qo‘llab-quvvatlash, ijtimoiy himoyaga muhtoj oilalar bilan ishlash masalalariga alohida e’tibor qaratildi.

Shuningdek, mahalla hududidagi infratuzilma holati, ichki yo‘llar, elektr ta’minoti, ichimlik suvi va boshqa kommunal masalalar yuzasidan amalga oshirilayotgan ishlar ko‘rib chiqildi.

Uchrashuv yakunida mahalla yettiligiga belgilangan vazifalarni samarali tashkil etish, mavjud muammolarni manzilli hal qilish va aholi bilan ishlash samaradorligini oshirish bo‘yicha tegishli tavsiyalar berildi.