Shuningdek, hududda 6 409 nafar nogironligi bo‘lgan shaxs istiqomat qiladi. Ular orasida 995 nafar bola bor. Muloqotda ularga ko‘rsatilayotgan ijtimoiy xizmatlar, ehtiyojlariga mos ko‘makni tashkil etish masalalariga alohida to‘xtaldi.

2026-yilning o‘tgan davrida «Saxovat va ko‘mak» jamg‘armasi hisobidan 694 nafar fuqaroga jami 2 milliard 24 million 683 ming so‘m ijtimoiy yordam ko‘rsatilgan. Shuningdek, tuman hokimligi huzuridagi «Infratuzilma va ijtimoiy barqarorlik» jamg‘armasiga 1 milliard 486 million so‘m mablag‘ o‘tkazib berilgan.

O‘rganishda yordamning fuqarolarga qay darajada yetib borayotgani, ularning muammolari qanday hal etilayotganiga e’tibor qaratildi. Soha xodimlarining fikr va takliflari tinglanib, xizmatlar sifatini oshirish hamda ehtiyojmand insonlarni qo‘llab-quvvatlash ishlarini yaxshilash yo‘llarini muhokama qilindi.

Zero, ijtimoiy himoyada muammoni aniqlash, insonning ehtiyojini o‘rganish, unga mos xizmat ko‘rsatish va natijani kuzatib borish o‘zaro bog‘liq jarayon bo‘lishi zarur.