#deputat_faoliyati
#kotibiyat_xodimi_faoliyati
#24_ta_masala
#Okrugda_o‘rganish

Bandixon tumanida deputatlik nazorati: "Limonzor" mahallasida Ijtimoiy xodim faoliyati o‘rganildi

Bandixon tumanida aholining ijtimoiy ehtiyojmand toifalariga ko‘rsatilayotgan xizmatlar sifatini yuksaltirish, ijtimoiy himoya tizimining mahalladagi faoliyatini tahlil qilish borasida tizimli deputatlik nazorati amalga oshirilmoqda.

Xalq deputatlari Bandixon tumani Kengashining 17-"Limonzor" saylov okrugi deputati S.Shaydilovga biriktirilgan tuman Kengashi bosh mutaxassisi E.Eshonqulov "Limonzor" mahalla fuqarolar yig‘inida bo‘lib, Ijtimoiy xodimning faoliyati hamda fuqarolar murojaatlarini o‘rgandi.

Monitoring jarayonida kam ta’minlangan oilalar, yolg‘iz keksalar va nogironligi bo‘lgan shaxslarga ijtimoiy xizmatlar ko‘rsatish, ularning murojaatlarini o‘z vaqtida qanoatlantirish va davlat tomonidan berilayotgan yordamlarning manzilliligi atroflicha tahlil qilindi.

Tashrif yakunida ehtiyojmand xonadonlarni aniqlashda tahliliy yondashuvni kuchaytirish, imkoniyati cheklangan fuqarolar bandligiga ko‘maklashish hamda sohaviy vazifalarni samarali tashkil etish yuzasidan ijtimoiy xodimga tegishli amaliy tavsiya va ko‘rsatmalar berildi.