️Xalq deputatlari Chilonzor tumani Kengashi deputatlari tomonidan aholi bilan ochiq muloqotlar o‘tkazish, mahallalardagi muammolarni joyiga chiqqan holda o‘rganish va ularni hal etish bo‘yicha tizimli ishlar davom ettirilmoqda.
📝Deputatlik faoliyati samaradorligini oshirish, fuqarolar murojaatlarini tizimli hisobga olish hamda ijro intizomini kuchaytirish maqsadida deputatlar uchun maxsus nazorat daftarlari joriy etildi.
Ushbu daftarlarda:
🔹 o‘rganilgan hudud yoki manzil;
🔹 aniqlangan muammo va takliflar;
🔹 murojaat etuvchi fuqaro haqidagi ma’lumotlar;
🔹 mas’ul tashkilotlar va ijro jarayoni;
🔹 bajarish muddatlari;
🔹 amalga oshirilgan ishlar natijalari kabi ma’lumotlar muntazam qayd etib boriladi.
📌 Shuningdek, deputatlar tomonidan ko‘tarilgan masalalar yuzasidan tegishli tashkilotlar bilan hamkorlikda ishlar olib borilib, ijro holati doimiy monitoring qilinadi hamda natijalar haqida aholiga ma’lumot berib boriladi.
✅Bu amaliyot fuqarolar murojaatlarini o‘z vaqtida ko‘rib chiqish, deputatlik nazoratini yanada kuchaytirish, mahallalardagi muammolarni tizimli ravishda o‘rganish va ularni tezkor hal etishga xizmat qiladi.