Xalq deputatlari Chinoz tumani Kengashi kotibiyati bilan “Madad” nodavlat notijorat tashkiloti hamkorligida Hamza MFY binosida targ‘ibot va huquqiy tushuntirish uchrashuvi tashkil etildi.

Tadbir davomida xotin-qizlarning huquqiy ongini oshirish hamda ularni qo‘llab-quvvatlash maqsadida:
— ijtimoiy huquqlari;
— ta’lim olish bo‘yicha huquqlari;
— mehnat huquqlari;
— tazyiq va zo‘ravonlikdan himoyalanish masalalari yuzasidan batafsil tushuntirishlar berildi.

Mazkur uchrashuvda Xalq deputatlari Chinoz tumani Kengashi kotibiyati mudiri A.Baxramov hamda deputatlar “Madad” NNT Chinoz tumani huquqiy maslahat byurosi bosh mutaxassisi Z.Q. Boqijonov, Hamza MFY yettiligi ishtirok etib, xotin-qizlarning huquq va manfaatlarini himoya qilish, ularning jamiyatdagi faolligini oshirish borasida amalga oshirilayotgan ishlar haqida fikr-mulohazalar bildirdilar.

Shuningdek, tadbir davomida ishtirokchilar tomonidan berilgan savollarga huquqiy asoslangan javoblar berilib, aholining huquqiy madaniyatini yuksaltirishga qaratilgan targ‘ibot ishlari olib borildi.