Xalq deputatlari Yangiobod tuman Kengashi deputati H. Qudratov tomonidan Do‘stlik MFYning Pastkichaqir qishlog‘ida saylovchilar bilan uchrashuv o‘tkazildi.

Uchrashuv davomida fuqarolarning murojaatlari, taklif va mulohazalari tinglanib, qishloq hududida aholini qiynab kelayotgan ijtimoiy, iqtisodiy va infratuzilmaga oid masalalar yuzasidan ochiq muloqot olib borildi.

Saylovchilar tomonidan bildirilgan muammolar joyida o‘rganilib, ularni hal etish imkoniyatlari, mas’ul tashkilotlar bilan hamkorlikda amalga oshirilishi lozim bo‘lgan ishlar muhokama qilindi.

Shuningdek, fuqarolar murojaatlarida ko‘tarilgan masalalarni tegishli mutasaddilarga yetkazish, ularning qonuniy yechimini ta’minlash hamda ijrosini nazorat qilish bo‘yicha tegishli tavsiyalar berildi.

Deputat tomonidan saylovchilar bilan muntazam muloqot qilish, hududdagi muammolarni o‘z vaqtida aniqlash va ularni amaliy yechimga yo‘naltirish muhim vazifa ekani ta’kidlandi.