O‘rganish davomida guruh xonalari, yotoq joylari, oshxona, sanitariya-gigiyena sharoitlari hamda bolalar uchun yaratilgan qulayliklar ko‘zdan kechirildi. Shuningdek, ta’lim tashkilotining kuz-qish mavsumini betalofat o‘tkazishga tayyorgarligi, isitish tizimining holati, bino va xonalarning issiqlikni saqlash darajasi, zarur jihoz va vositalar bilan ta’minlanganligi o‘rganildi.

Mas’ullar bilan suhbat davomida mavsum davomida yuzaga kelishi mumkin bo‘lgan muammolarning oldini olish, bolalar uchun iliq, xavfsiz va qulay muhitni ta’minlash bo‘yicha zarur choralar muhokama qilindi.

Aniqlangan masalalarni bartaraf etish hamda kuz-qish mavsumini sifatli va muammosiz o‘tkazish bo‘yicha tegishli vazifalar belgilandi.