Ichki yo‘llar holati deputat nazoratida

Aholi murojaatlarida ko‘tarilayotgan masalalarni joyiga chiqqan holda o‘rganish va ularning amaliy yechimini ta’minlash maqsadida deputatlar tomonidan hududlarda o‘rganishlar olib borilmoqda.

Xalq deputatlari Termiz shahar Kengashining 19-“Ma’rifat” saylov okrugi deputati A.Mustafakulov hamda Kengash kotibiyati bosh mutaxassisi R.Mamashukurov “Ma’rifat” mahallasida bo‘lib, Ayritom ko‘chasidagi ichki yo‘llar holatini ko‘zdan kechirdilar.

O‘rganish yakunlari bo‘yicha aniqlangan kamchiliklar deputatning murojaat daftariga qayd etildi. Mazkur muammolarni bartaraf etish, xususan, ichki yo‘lni ta’mirlash va hudud infratuzilmasini yaxshilash yuzasidan mas’ul tashkilotlarga deputatlik so‘rovi yuborilishi belgilab olindi.

Asosiy maqsad — fuqarolar murojaatlarida ko‘tarilayotgan masalalarni shunchaki qayd etish emas, balki ularning amaliy yechimini ta’minlashdir.