Xalq deputatlari Boyovut tumani Kengashi kotibiyatining 2026-yil 6-avgustdagi ish rejasiga asosan tuman hududida amalga oshirilayotgan investitsiya loyihalari ijrosi yuzasidan navbatdagi o‘rganish o‘tkazildi.

O‘rganishda Xalq deputatlari Boyovut tumani Kengashi raisi O.Isanov hamda Kengash kotibiyati mudiri X.Berdiyarova ishtirok etib, Boyovut tumanining “Madaniyat” mahallasida faoliyat yuritayotgan “Boyovut Cotton Textile” MCHJning ip-kalava ishlab chiqarish loyihasi bilan tanishdilar.

Qiymati 20 million AQSH dollari bo‘lgan mazkur loyiha doirasida yiliga 7,2 ming tonna ip-kalava ishlab chiqarish yo‘lga qo‘yilishi, zamonaviy Germaniya uskunalari o‘rnatilishi, 330 ta yangi ish o‘rni yaratilishi hamda yiliga 5 million AQSH dollari miqdorida eksport amalga oshirilishi rejalashtirilgan. Shuningdek, korxona faoliyati natijasida mahalliy budjetga yiliga 12 milliard so‘m tushum ta’minlanishi ko‘zda tutilgan.

O‘rganish davomida loyihaning amalga oshirilish holati, qurilish va ishlab chiqarish jarayonlari hamda yaratilayotgan shart-sharoitlar joyiga chiqqan holda ko‘zdan kechirildi.

O‘rganish yakunlariga ko‘ra, loyiha ijrosi yuzasidan muammo va kamchiliklar aniqlanmadi. Investitsiya loyihasi belgilangan reja asosida amalga oshirilayotgani qayd etildi.