Deputatlar so‘nggi qo‘ng‘iroq tadbirlarida ishtirok etdilar

2025-yil 24-may kuni Quva tumanidagi barcha umumiy o‘rta ta’lim maktablarida
2024–2025 o‘quv yilining yakunlanishiga bag‘ishlangan tantanali “So‘nggi qo‘ng‘iroq”
tadbirlari bo‘lib o‘tdi. 

Mazkur tadbirlarda Xalq deputatlari Quva tuman Kengashi deputatlari o‘zlari
saylangan saylov okruglaridagi maktablarda ishtirok etib, bitiruvchilarni yangi
hayot bosqichiga qadam qo‘yishlari bilan tabrikladilar. 

Tadbir davomida deputatlar yoshlarga o‘zlarining ezgu tilaklarini bildirar
ekan, ularni Vatan ravnaqi, jamiyat taraqqiyoti uchun mas’uliyatli, bilimli va fidoyi
bo‘lishga chaqirdilar. Shuningdek, deputatlar tomonidan maktab jamoasining o‘quv
yili davomida erishgan yutuqlari e’tirof etilib, faol o‘quvchilarga esdalik sovg‘alari
topshirildi.