Xalq deputatlari tuman Kengashining 2026-yilga mo‘ljallangan ish rejasiga muvofiq O‘zbekiston “Milliy tiklanish” demokratik partiyasidan saylangan deputat F.Axmedov tomonidan tumanning “S.Raximov” mahallasida nogironligi bo‘lgan fuqarolarga ko‘rsatilayotgan ko‘maklar hamda davlat tomonidan belgilangan imtiyozlarni qo‘llanish holati o‘rganildi

🔻Mahallaga biriktirilgan ijtimoiy xodim bilan birgalikda o‘tkazilgan o‘rganish davomida mahalladagi nogironligi bo‘lgan fuqarolarning ijtimoiy holati, ularning kundalik hayotida duch kelayotgan ehtiyoj va muammolariga e’tibor qaratildi. Xususan, ijtimoiy ko‘makka muhtoj fuqarolarni aniqlash, ularga zarur yordamlarni tashkil etish va mavjud imkoniyatlardan samarali foydalanish masalalari ko‘rib chiqildi.

🔻Ayniqsa, o‘zgalar parvarishiga muhtoj bo‘lgan, harakatlanish imkoniyati cheklangan hamda doimiy ko‘makka ehtiyoj sezadigan fuqarolar bilan manzilli ishlash, ularning holidan muntazam xabar olish va zarur ijtimoiy xizmatlarni tashkil etishga alohida e’tibor qaratish zarurligi ta’kidlandi.

🔻Shu bilan birga, nogironligi bo‘lgan shaxslarning jamiyat hayotida faol ishtirok etishi, imkoniyatlaridan kelib chiqqan holda bandligini ta’minlash, kasbiy ko‘nikmalarini rivojlantirish va reabilitatsiya imkoniyatlaridan foydalanishi uchun zarur sharoitlarni kengaytirish masalalariga ham e’tibor qaratish tavsiya etildi.