Xalq deputatlari Bo‘stonliq tumani Kengashning 2026-yilga mo‘ljallangan ish rejasiga muvofiq O‘zbekiston Xalq demokratik partiyasidan saylangan deputat J.Sadirov va kotibiyat xodimi N.Kurganova tomonlaridan tumanning “Yoshlik” mahallasining ichki yo‘llarining holatlari bo‘yicha o‘rganish o‘tkazildi.

🔻O‘rganish davomida mahalladagi Amangeldi, Uzumzor, Nizomiy, Beruniy, Rizayeva va boshqa ko‘chalarda yo‘l qoplamalarining eskirgani, ta’mirtalab holatga kelib qolganligi, ayrim ko‘chalarda faqatgina shag‘allashtirilganligi, bu holat aholining kundalik harakatlanishida muayyan qiyinchiliklar keltirib chiqarayotgani aniqlandi. Xususan, aholi va tashrif buyuruvchilar tomonidan muntazam foydalaniladigan maktab, sanatoriy, temir yo‘l bekati hamda qabristonga olib boruvchi ichki yo‘llar aholi uchun muhim transport yo‘nalishlari ekani qayd etildi.

🔻Aholi uchun ijtimoiy va maishiy jihatdan zarur bo‘lgan mazkur ichki yo‘llarni ta’mirlash ishlarini manzilli ro‘yxatga kiritish orqali ta’mirlash ishlarini bosqichma-bosqich amalga oshirish, eng avvalo, aholi ko‘p foydalanadigan va ijtimoiy obyektlarga olib boruvchi yo‘llarni tartibga keltirish zarurligi ta’kidlanib, mas’ullarga deputat so‘rovi chiqarilishi belgilab olindi.