«ЯНГИ ЎЗБЕКИСТОН ҚИЁФАСИДАГИ МАҲАЛЛА» ЛОЙИҲАСИ ДОИРАСИДАГИ ИШЛАР ЎРГАНИЛДИ
Халқ депутатлари Янгиқўрғон тумани Кенгаши депутати Садриддинов Маъруфжон томонидан сайлов округида жойлашган Соҳил маҳалласида «Янги Ўзбекистон қиёфасидаги маҳалла» лойиҳаси доирасида амалга оширилаётган бунёдкорлик ва ободонлаштириш ишлари ўрганилди.
Ўрганиш жараёнида ҳудудда олиб борилаётган қурилиш-таъмирлаш ишларининг сифати, белгиланган муддатларда бажарилиши ҳамда аҳоли учун яратилаётган шарт-шароитларга алоҳида эътибор қаратилди.
Шунингдек, маҳалла фаоллари ва масъуллар билан амалга оширилаётган ишлар, мавжуд муаммолар ҳамда уларни бартараф этиш бўйича зарур чора-тадбирлар муҳокама қилинди.
Депутат томонидан лойиҳа доирасидаги ишларни сифатли ва ўз вақтида якунлаш, ҳудудни ободонлаштириш ҳамда аҳоли фаровонлигини ошириш юзасидан тегишли тавсиялар берилди.