АСФАЛЬТЛАШ ИШЛАРИ ЎРГАНИЛДИ
Халқ депутатлари Янгиқўрғон тумани Кенгаши депутати Тошпўлатов Олимжон Йўлдашевич томонидан сайлов округида жойлашган маҳаллада Жаҳон банки иштирокидаги «Қишлоқ инфратузилмасини ривожлантириш» лойиҳаси доирасида амалга оширилаётган асфальтлаш ишлари жойига чиққан ҳолда ўрганилди.
Ўрганиш жараёнида йўл қурилиш ишларининг сифати, лойиҳа талабларига мувофиқлиги, асфальт қатламининг белгиланган меъёрлар асосида ётқизилиши ҳамда ишларнинг белгиланган муддатларда якунланиши масалаларига алоҳида эътибор қаратилди.
Шунингдек, масъуллар билан суҳбат ўтказилиб, қурилиш ишларида сифат талабларига қатъий риоя қилиш, аҳоли учун қулай ва хавфсиз йўл инфратузилмасини яратиш бўйича тегишли тавсиялар берилди.
Мазкур лойиҳанинг амалга оширилиши маҳаллада йўл инфратузилмасини яхшилаш, транспорт ҳаракати учун қулайлик яратиш ва аҳолининг турмуш фаровонлигини оширишга хизмат қилади.