Tuman Kengashi kotibiyati mudiri hamda mahalla hokim yordamchisi ishtirokida Adas mahallasida amalga oshirilayotgan tadbirkorlik faoliyati yuzasidan o‘rganish olib borildi.
Jumladan, Shodiyeva Zargul oilaviy korxonasi tomonidan tashkil etilgan non va turli xil pishiriqlar ishlab chiqarish sexi faoliyati bilan yaqindan tanishildi. Mazkur faoliyat Oʻzbekiston Respublikasining 2012-yil 26-apreldagi O‘RQ-327-sonli “Oilaviy tadbirkorlik to‘g‘risida”gi Qonuni asosida yo‘lga qo‘yilgan.
Faoliyati vaqtincha to‘xtab qolgan ushbu sex mahalla hokim yordamchisining tavsiyasiga asosan ajratilgan imtiyozli kredit mablag‘lari evaziga qayta tiklanib, bugungi kunda 4 ta yangi ish o‘rni yaratildi. Ishlab chiqarilayotgan non va turli pishiriq mahsulotlari mahalla aholisi hamda savdo do‘konlariga yetkazib berilmoqda.
Tadbirkorga faoliyatni yanada rivojlantirish yuzasidan tegishli tavsiyalar berildi.
✅Bizni kuzatib boring:👇
|📲 Telegram | 💻Facebook