🏎 Fidokor MFYdagi avdodrom qurilishi deputat nazoratida
Xalq deputatlari Baxmal tuman Kengashi deputati N.Norqulov “Fidokor” mahallasida joylashgan 2-sonli texnikum hududida barpo etilayotgan yangi zamonaviy avtodromning qurilish ishlari bilan tanishdi.
O‘rganish davomida quyidagi jihatlarga alohida e’tibor qaratildi:
🔹 Qurilish-montaj ishlarining belgilangan reja va loyiha talablariga muvofiqligi;
🔹 Amaliy haydash mashg‘ulotlari uchun maxsus yo‘laklar va infratuzilmaning sifati;
🔹 Ob'ektni o‘z vaqtida hamda standartlarga mos ravishda foydalanishga topshirish choralari.
Deputat yoshlarning zamonaviy sharoitlarda kasb va hunar sirlarini, xususan, haydovchilik ko‘nikmalarini mukammal egallashlari uchun qurilish sifatini yuqori darajada ta’minlash yuzasidan mas’ullarga tavsiyalar berdi.