📌 Xalq deputatlari Oqdaryo tumani Kengashi kotibiyati mudiri Dildora Adilova tomonidan 18-Qahramon vakant deputatlik saylov okrugi hududidagi Pichoqchi mahallasida faoliyat yuritayotgan ijtimoiy xodimning faoliyati bilan tanishildi.

👥 Tashrif davomida O‘zbekiston Respublikasining 2016-yil 26-dekabrdagi “Keksalar, nogironligi bo‘lgan shaxslar va aholining boshqa ijtimoiy ehtiyojmand toifalari uchun ijtimoiy xizmatlar to‘g‘risida”gi O‘RQ–415-son Qonuni hamda 2020-yil 15-oktabrdagi “Nogironligi bo‘lgan shaxslarning huquqlari to‘g‘risida”gi O‘RQ–641-son Qonuni ijrosi doirasida mahallada ko‘rsatilayotgan ijtimoiy xizmatlar, ehtiyojmand fuqarolarni qo‘llab-quvvatlash, ularga manzilli yordam ko‘rsatish va murojaatlar bilan ishlash holati o‘rganildi.

🏡 Shuningdek, keksalar, nogironligi bo‘lgan shaxslar hamda ijtimoiy himoyaga muhtoj fuqarolarga yaratilgan sharoitlar va xizmatlar sifati ko‘zdan kechirildi.

📝 O‘rganish yakunida mavjud muammolar yuzasidan mas’ullar bilan fikr almashilib, ijtimoiy xizmatlar samaradorligini yanada oshirish bo‘yicha tegishli tavsiyalar berildi.