Xalq deputatlari Paxtakor tumani Kengashi kotibiyati mudiri K.Mamanova hamda 3-Navbahor saylov okrugi deputati Sh.Mirzayev o‘z saylov okrugi hududidagi mavjud muammolarni o‘rganish maqsadida Chamanzor suv uzatish inshootida bo‘ldilar.

O‘rganish davomida suv uzatish inshooti dambasi ustki qismi bugungi kunda ta’mirtalab holatga kelib qolgani, ayrim joylari xavfsizlik va foydalanish talablariga to‘liq javob bermasligi aniqlandi. Mazkur holatni bartaraf etish hamda inshootning uzoq muddat va xavfsiz foydalanilishini ta’minlash maqsadida ta’mirlash ishlarini amalga oshirish zarurligi ta’kidlandi.

Ta’kidlanganidek, aholini sifatli va uzluksiz ichimlik suvi bilan ta’minlash hamda hududdagi infratuzilma obyektlari faoliyatini yaxshilashga qaratilgan ishlar deputatlar tomonidan doimiy nazoratga olinadi.