OILA MUSTAHKAMLIGI – JAMIYAT BARQARORLIGINING ASOSI
Xalq deputatlari Uzun tuman Kengashi deputati B. Toshboyev tomonidan saylov okrugida oilalar mustahkamligini ta'minlash, oilaviy qadriyatlarni asrab-avaylash hamda farzandlar tarbiyasida ota-onalarning mas'uliyatini yanada oshirish masalalariga bag‘ishlangan uchrashuv o'tkazildi.
Uchrashuv davomida oilalarda sog‘lom ma'naviy muhitni shakllantirish, o‘zaro hurmat va hamjihatlikni mustahkamlash, yoshlarni vatanparvarlik ruhida tarbiyalash hamda mahalla va ta'lim muassasalari bilan hamkorlikni kuchaytirish yuzasidan fikr almashildi.
Shuningdek, yig‘ilish ishtirokchilariga oilaviy qadriyatlarni asrash, ajrimlarning oldini olish va farzandlar kamolotida ota-onalarning o‘rni beqiyos ekani ta'kidlandi.
Bunday uchrashuvlar jamiyatimizda mustahkam oilalarni qo‘llab-quvvatlash, aholi o‘rtasida huquqiy va ma'naviy madaniyatni yuksaltirishga xizmat qiladi.