Xalq deputatlari Chilonzor tumani Kengashi deputati Muhammedova Barno Farxodovna Qozirobod mahallasida bo‘lib, mahalliy Kengash deputati faoliyatining eng muhim yo‘nalishlari bo‘yicha tavsiyalarning 3-band ijrosi yuzasidan o‘rganish olib bordi.

O‘rganish davomida mahallada aholi va bolalar uchun mavjud sport inshootlarining holati, yaratilgan sharoitlar hamda sport jihozlari bilan ta’minlanganlik darajasi ko‘zdan kechirildi.

O‘rganish natijasida sport inshootlaridagi jihozlar eskirgani, mavjud sport anjomlari yetarli emasligi va ularni yangilash zarurati aniqlandi. Mazkur holat mahalla aholisi, ayniqsa, yoshlar va bolalar uchun qulay sport muhitini yaratish borasida qo‘shimcha chora-tadbirlarni talab etishi ta’kidlandi.

Deputat sport inshootlarini zamonaviy jihozlar bilan ta’minlash, mavjud anjomlarni yangilash hamda bolalar va aholi uchun sog‘lom turmush tarzini rivojlantirishga qaratilgan takliflarni ilgari surdi.

Yoshlar va bolalar uchun qulay sport sharoitlarini yaratish — muhim vazifalardan biridir!