#deputat_máhállede
#5_sanlı_K_Nurlıbaev_saylaw_okrugi
#Milliy_tiklanish_demokretik_partiyası

✅ Deputat aymaqtaǵı jol qurılıs jumısları menen tanıstı

⚡️ Xalıq deputatları Shımbay rayonlıq Keńesi sekretariat baslıǵı M.Zarikeev “Qamıs arıq” APJ aymaǵındaǵı 0,8 km aralıqta ámelge asırılıp atırǵan jol qurılıs hám ońlaw jumıslarınıń barısı menen tanıstı.

Úyreniw dawamında jol qurılısı procesi, orınlanıp atırǵan jumıslardıń sapası, paydalanılıp atırǵan qurılıs materialları hám belgilengen talaplarǵa ámel etiliwine ayrıqsha itibar qaratıldı.

Sonday-aq, jollardıń xalıq ushın qolaylı hám qáwipsiz háreketleniw imkaniyatın jaratıwdaǵı áhmiyeti, qurılıs jumısların belgilengen múddetlerde juwmaqlaw hám aymaq infrastrukturasın jaqsılaw máseleleri dodalandı.

Deputat qurılıs jumıslarında sapa hám nátiyjelilikti támiyinlew, bar kemshiliklerdi óz waqtında saplastırıw, sonday-aq, xalıqtıń múrájat hám usınısların esapqa alǵan halda jollardıń jaǵdayın jaqsılaw zárúrligin atap ótti. Alıp barılıp atırǵan jumıslar boyınsha tiyisli juwapkerlerge usınıslar berildi.