Xalq deputatlari Yunusobod tumani Kengashi deputati B. Mahkamov yoshlarning zamonaviy kasblarni egallashi, innovatsion g‘oyalarini amaliyotga tatbiq etishi hamda IT sohasidagi bilim va ko‘nikmalarini rivojlantirish masalalari yuzasidan o‘rganish olib bordi.

✅O‘rganish davomida, yoshlar tomonidan ishlab chiqilgan innovatsion ishlanmalar, amaliy loyihalar va startaplar bilan yaqindan tanishildi. Yosh startapchilarning g‘oyalari, loyihalarning amaliy ahamiyati hamda ularni kelgusida rivojlantirish istiqbollari muhokama qilindi.

👨‍💻Shuningdek, o‘quvchilarning IT va sun’iy intellekt texnologiyalarini o‘rganishi, zamonaviy raqamli ko‘nikmalarni egallashi, tanlov va olimpiadalarda ishtirok etishi uchun yaratilgan imkoniyatlar o‘rganildi.

⚖️Mazkur yo‘nalishda O‘zbekiston Respublikasining “Innovatsion faoliyat to‘g‘risida”gi Qonunida belgilangan innovatsion faoliyatni qo‘llab-quvvatlash, yoshlarning innovatsion g‘oyalarini rivojlantirish va ularni amaliyotga joriy etishga ko‘maklashish tamoyillariga alohida e’tibor qaratildi.

🤝Deputat tomonidan yoshlarning tashabbuslarini qo‘llab-quvvatlash, ularning innovatsion loyihalarini rivojlantirish va ta’lim bilan amaliyotni yanada yaqinlashtirish muhimligi ta’kidlandi.