14-BAND IJROSI: QORAQO‘PPA MAHALLASIDA ICHIMLIK SUVI TA’MINOTI O‘RGANILDI
💧 Xalq deputatlari Pastdarg‘om tumani Kengashi deputati X. Turdiyev tomonidan deputatlar faoliyatining eng muhim yo‘nalishlari bo‘yicha Tavsiyalarning 14-bandi ijrosi doirasida Qoraqo‘ppa mahallasida aholini toza ichimlik suvi bilan ta’minlash masalasi o‘rganildi.
🔎 O‘rganish davomida mahalla fuqarolarining ichimlik suvi ta’minoti bilan bog‘liq murojaatlari tinglanib, mavjud muammolar va ularni hal etish masalalariga e’tibor qaratildi.
🏛 Mazkur o‘rganish ishlari tuman Suv ta’minoti bo‘limi rahbarining Kengash navbatdagi sessiyasi kun tartibiga kiritilgan hisoboti oldidan amalga oshirildi.
🤝 Aniqlangan muammolarni tegishli tashkilotlar bilan birgalikda o‘rganish, fuqarolar murojaatlariga amaliy yechim topish hamda aholini sifatli va uzluksiz ichimlik suvi bilan ta’minlash yuzasidan zarur choralar ko‘rish muhim vazifa hisoblanadi.
✅ Maqsad — aholi murojaatlarini joyida o‘rganish, ichimlik suvi ta’minotidagi muammolarni aniqlash va ularning yechimi bo‘yicha deputatlik nazoratini kuchaytirish.