QORAQO‘PPA MAHALLASIDA XOTIN-QIZLAR FAOLI VA PROFILAKTIKA INSPEKTORINING ISH FAOLIYATI O‘RGANILDI
🏛 Xalq deputatlari Pastdarg‘om tumani Kengashi deputati X. Turdiyev tomonidan deputatlar faoliyatining ustuvor yo‘nalishlari bo‘yicha Tavsiyalarning 6-bandi ijrosi doirasida Qoraqo‘ppa mahallasidagi xotin-qizlar faoli hamda profilaktika inspektorining ish faoliyati o‘rganildi.
🔎 O‘rganish davomida mahallada huquqbuzarlik va jinoyatchilikning oldini olish, xotin-qizlar bilan manzilli ishlash, oilalardagi muammolarni barvaqt aniqlash hamda profilaktik tadbirlarni tashkil etish borasida amalga oshirilayotgan ishlar tahlil qilindi.
⚠️ O‘rganish jarayonida mahallada ikkita jinoyat — o‘g‘rilik va jinsiy daxlsizlikka qarshi jinoyat sodir etilgani, mazkur holatlar yuzasidan jinoiy ish yurituvlari davom etayotgani ma’lum bo‘ldi.
❗️ Deputat tomonidan jinoyatchilikning oldini olish bo‘yicha profilaktika ishlarini yanada kuchaytirish, xavf guruhiga kiruvchi oilalar va fuqarolar bilan individual ishlash, xotin-qizlarning huquqiy himoyasini ta’minlash hamda tegishli tashkilotlar o‘rtasidagi hamkorlikni mustahkamlash muhimligi ta’kidlandi.
✅ Bunday o‘rganishlar mahallalarda xavfsiz muhitni shakllantirish, mavjud muammolarni aniqlash va ularning oldini olish choralarini kuchaytirishga xizmat qiladi.