YOSHLAR BANDLIGI VA IJTIMOIY SOLIQ KOMPENSATSIYASI BO‘YICHA RASMIY SO‘ROV YUBORILDI

🏛 Xalq deputatlari Pastdarg‘om tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi tomonidan tuman Soliq inspeksiyasiga rasmiy xat yuborildi.

📌 Mazkur xat O‘zbekiston Respublikasi Vazirlar Mahkamasining 2021-yil 24-iyuldagi 460-son qarori bilan tasdiqlangan, 25 yoshdan oshmagan xodimlar uchun ish beruvchilar tomonidan to‘langan ijtimoiy soliq summasini qoplab berish tartibi ijrosini o‘rganish bilan bog‘liq.

🌐 Rasmiy so‘rovda quyidagi ma’lumotlarni taqdim etish so‘raldi:
✅ Tumanda ushbu tartibdan foydalanish huquqiga ega ish beruvchilar va yosh xodimlar soni;
✅ Ijtimoiy soliq summasini qoplab olish uchun berilgan arizalar, ularning natijalari va qoplab berilgan mablag‘lar miqdori;
✅ Arizalarni rad etish holatlari va ularning sabablari;
✅ Mavjud muammolar hamda yoshlar bandligini rag‘batlantirish bo‘yicha amalga oshirilgan ishlar va takliflar.

📊 Taqdim etiladigan ma’lumotlar tegishli tahliliy ko‘rsatkichlar va tasdiqlovchi hujjatlar asosida doimiy komissiya muhokamasiga kiritiladi.