O‘zbekiston Respublikasi Prezidentining 2024-yil 19-iyuldagi PQ-270-sonli qarori hamda Vazirlar Mahkamasining 2025-yil 4-noyabrdagi 691-sonli qarori asosida “Siyosiy qatag‘on qurbonlarini yod etish haftaligi” doirasida Qatag‘on qurbonlari xotirasi davlat muzeyida “Qodiriyni anglash: tarix va bugun” mavzusida davra suhbati tashkil etildi.

💠Tadbirda “Milliy tiklanish” demokratik partiyasi Markaziy kengashi rahbariyati, Oliy Majlis Qonunchilik palatasi hamda xalq deputatlari shahar va tuman Kengashlari deputatlari, ommaviy axborot vositalari vakillari ishtirok etdi.

💠 Davra suhbatida buyuk adib Abdulla Qodiriyning hayoti va ijodi, uning milliy adabiyotimiz va ma’naviy tafakkurimiz rivojidagi o‘rni, murakkab tarixiy davrdagi faoliyati hamda boy adabiy merosini kelajak avlodga yetkazish masalalari muhokama qilindi.

💠 Xalq deputatlari Yunusobod tumani Kengashi deputati B. Hasanov tomonidan mavzu yuzasidan ma’ruza qilinib, ishtirokchilar bilan tarixiy voqealar, Abdulla Qodiriyning hayoti va ijodiy merosi yuzasidan fikr-mulohazalar almashildi.

⚖️ Tadbirda O‘zbekiston Respublikasining “Siyosiy qatag‘on qurbonlarini yod etish kunini belgilash to‘g‘risida”gi Qonuni mazmun-mohiyatiga ham e’tibor qaratilib, tarixiy xotirani asrash, qatag‘on qurbonlari xotirasini abadiylashtirish va yosh avlodni milliy qadriyatlar ruhida tarbiyalash muhimligi ta’kidlandi.