#deputatlar_nazorati #poytaxtdeputatlari #deputatlik_faoliyati  

❗️ Chilonzor tumanida yuzaga kelgan yong‘in holati deputat nazoratida

👥 Xalq deputatlari Toshkent shahar Kengashining “28-Xaydarobod” saylov okrugi deputati Nodir Haydarov tomonidan Chilonzor tumani Beshqo‘rg‘on MFY hududida joylashgan savdo majmuasining ombor qismida yuzaga kelgan yong‘in holati yuzasidan o‘rganish ishlari olib borilib, hudud aholisi va tadbirkorlar bilan uchrashuv o‘tkazildi. Uchrashuvdan ko‘zlangan asosiy maqsad — hodisa oqibatlarini aniqlash, zarar ko‘rgan fuqarolar holatini o‘rganish hamda ularga amaliy yordam ko‘rsatish masalalarini muhokama qilishdan iborat bo‘ldi.

🏛 Mazkur uchrashuvda ichki ishlar organlari xodimlari, mahalla raisi X.A. Yuldashev, tuman “Nuroniylar” jamg‘armasi raisi T.Q. Karimov hamda tegishli mutasaddi tashkilotlar vakillari ishtirok etdi. Uchrashuv davomida Ichki ishlar vazirligining mas’ul vakili tomonidan yong‘in oqibatida fuqarolar orasida halok bo‘lganlar yoki jarohatlanganlar yo‘qligi ma’lum qilinib, hodisa sabablarini aniqlash maqsadida maxsus komissiya tuzilib, tegishli davlat organlari tomonidan o‘rganish ishlari olib borilayotgani ta’kidlandi.

📝 Deputat Nodir Haydarov o‘z so‘zida yuzaga kelgan vaziyatni chuqur o‘rganish, zarar ko‘rgan tadbirkorlar va fuqarolarga zarur amaliy yordam ko‘rsatish, ularning muammolarini tezkor hal etish ustuvor vazifa ekanini qayd etdi. Shu bilan birga, mas’ul tashkilotlarga jabrlanganlarga ko‘mak berish bo‘yicha qo‘shimcha uchrashuvlar tashkil etish yuzasidan topshiriqlar berildi.

🤝 Yakunda ushbu masala deputat nazoratida ekani, barcha zarur choralar ko‘rilishi hamda holat to‘liq o‘rganilib, fuqarolarning manfaatlari ta’minlanishi alohida ta’kidlandi.

📱 Telegram (https://t.me//poytaxt_deputatlari) 📱 Instagram (https://www.instagram.com/poytaxt_deputatlari) 📱 Facebook (https://www.facebook.com/poytaxtdeputatlari) 📱 YouTube (https://www.youtube.com/@poytaxtdeputatlari) 🔎 E-kengash (https://kengash.gov.uz/news?region_id=14&authority_id=424)