Barchamizga ma’lumki, Prezidentimiz tomonidan milliy boyligimiz hisoblangan pillachilik sohasiga alohida e’tibor qaratilib, ushbu yo‘nalishda muhim qarorlar qabul qilinmoqda. Mazkur qarorlar ijrosi doirasida Bekobod tumani Mallaboy mahallasida navbatdagi seminar tashkil etildi.

Seminarda Toshkent viloyati hokimining qishloq va suv xo‘jaligi masalalari bo‘yicha birinchi o‘rinbosari X. Qoraboyev hamda Bekobod tumani hokimi boshchiligida tuman fermerlari va qishloq xo‘jaligi sohasi vakillari ishtirok etdi.

Seminar oldidan tumanda mavsumga tayyorgarlik doirasida nuroniylar boshchiligida jonliq qurbonlik qilinib, ehson berildi. Yurtimizda dehqonchilikka baraka tilab duolar qilindi.

Tadbir davomida qator dolzarb masalalar tanqidiy muhokama qilindi:

🔹 paxta maydonlarini samarali boshqarish

🔹 g‘alla parvarishini takomillashtirish

🔹 ariq va zovurlarni betonlashtirish

🔹 intensiv sug‘orish usullarini joriy etish

🔹 dala chetlaridan unumli foydalanish

🔹 kartoshkachilikni rivojlantirish

🔹 yashil bog‘lar maydonini kengaytirish

Mazkur seminar qishloq xo‘jaligini yanada rivojlantirish, hosildorlikni oshirish hamda samaradorlikni ta’minlashga xizmat qiladi.