Fuqarolar qabuli o‘tkazildi

Xalq deputatlari Qo‘shko‘pir tuman Kengashi deputati S. O‘razmetov hamda kotibiyat bosh mutaxassisi S. Matyaqubova tomonidan Yangilik mahallasi fuqarolar yig‘ini binosida sayyor qabul tashkil etildi.

Qabul davomida fuqarolar o‘zlarini qiynayotgan muammolar yuzasidan murojaat qildilar. Deputat tomonidan ayrim masalalar joyida ijobiy hal etildi. Qo‘shimcha o‘rganish talab etiladigan murojaatlar ro‘yxatga olinib, ularning ijrosini ta’minlash yuzasidan tegishli choralar belgilandi.

Shuningdek, murojaatchilarga amaldagi qonunchilik asosida huquqiy tushuntirish va maslahatlar berildi.