OʻzLiDeP Hazorasp tuman kengashi “Ayollar qanoti” tomonidan tashkil etilgan “Bir deputat – yuz ayolga koʻmakchi” loyihasi doirasida Hazorasp tumanidagi “Kamolot” mahallasida uchrashuv tashkil etildi. 

Tadbirda xalq deputatlari viloyat kengashi deputati Gulnora Matmuratova, mahalla faollari, yoshlar ishtirok etdi. 

Uchrashuvda mahalladagi xotin-qizlarning muammolari, ularni qoʻllab-quvvatlash masalalari va yangi imkoniyatlar muhokama qilindi. 

Deputat ayollarni ish bilan taʼminlash, tadbirkorlikni rivojlantirish, tibbiy va huquqiy yordam koʻrsatish boʻyicha takliflar berdi. Shuningdek, nogironligi bor ayollar va kam taʼminlangan oilalarga yordam koʻrsatish mexanizmlari haqida maʼlumot berildi. 

Uchrashuvda Qalandarova Moʻtabar “Kamolot” va “Oq maydon” mahallalarini yoʻlini bogʻlab turuvchi yoʻlini taʼmirlanishini soʻradi hamda subsidiya asosida tikuv mashinasi olib berishga koʻmaklashishni soʻrab murojaat qildi.  

Uchrashuv davomida ayollar oʻz muammolari va takliflarini bildirib, deputat ularni hal etish uchun tegishli tashkilotlar bilan hamkorlik qilishini taʼkidladi. Loyiha doirasida amalga oshiriladigan ishlarning samaradorligi oshirish maqsadida takliflar oʻrganilib, amaliy choralar koʻrilishi rejalashtirildi.