Xalq deputatlari Qo‘qon shahar Kengashi mudiri va deputati A.Nosirov tomonidan fuqarolar murojaati asosida Qo‘qon shahar hokimi o‘rinbosari nomiga deputatlik so‘rovi yuborildi.

Deputatlik so‘rovida fuqarolar murojaatlari asosida Qo‘qon shahridagi 29-sonli maktabgacha ta’lim tashkilotida o‘tkazilgan o‘rganish natijalari bayon etilgan. O‘rganish davomida muassasa binosining tom qismi ta’mirtalab holatda ekani, yog‘ingarchilik vaqtida tomdan suv o‘tishi natijasida yuqori qavatdagi xonalarga zarar yetayotgani aniqlangan.

Shu munosabat bilan deputatlik so‘rovida mas’ul tashkilotlardan 29-sonli MTT tom qismini ta’mirlash bo‘yicha qanday amaliy ishlar amalga oshirilayotgani, ushbu muammoni bartaraf etish yuzasidan ko‘rilayotgan choralar hamda belgilangan muddatlar haqida batafsil ma’lumot taqdim etish so‘ralgan.

Deputatlik so‘rovi amaldagi qonunchilik talablariga muvofiq yuborilgan bo‘lib, unda murojaatda ko‘tarilgan masala yuzasidan belgilangan muddatda rasmiy javob taqdim etish ham talab etilgan.

Mazkur masala deputat nazoratiga olingan bo‘lib, deputatlik so‘rovi ijrosi va amalga oshirilayotgan ishlar yuzasidan jamoatchilikka qo‘shimcha ma’lumotlar muntazam ravishda yetkazib boriladi.

Xalq deputatlari Qo‘qon shahar Kengashi