Xalq deputatlari Olmaliq shahar Kengashi kotibiyati mudiri Sevar Qodirova, shahar hokimining birinchi oʻrinbosari Shermuhammad Begiyev hamda bosh mutaxassis Muhriddin Begmatov tomonidan shahardagi investitsiya korxonalarida oʻrganish ishlari tashkil etildi.

Masʼullar joylarga chiqqan holda ishlab chiqarish jarayonlari, yaratilgan ish oʻrinlari va tadbirkorlarning muammolari bilan yaqindan tanishdilar.

Oʻrganishlar davomida shaharda muvaffaqiyatli faoliyat yuritib kelayotgan "Vintage Denim" masʼuliyati cheklangan jamiyati ham koʻzdan kechirildi.
Yoʻnalishi: Korxonada zamonaviy andozalar asosida ayollar va erkaklar uchun sifatli jinsi shimlar ishlab chiqarilmoqda.
Bozori: Tayyor mahsulotlar shahardagi tadbirkorlik faoliyati bilan shugʻullanuvchi savdo doʻkonlariga buyurtma asosida yetkazib berilmoqda.

Maqsad: Shahardagi investitsiya korxonalarini har tomonlama qoʻllab-quvvatlash, mahalliy ishlab chiqarish hajmini oshirish va yangi ish oʻrinlarini yaratish orqali aholi farovonligini taʼminlashdan iborat.