ФАВҚУЛОДДА ВАЗИЯТЛАР СОҲАСИДАГИ ҚОНУН ТАЛАБЛАРИ ИЖРОСИ ЎРГАНИЛДИ
Халқ депутатлари Янгиқўрғон тумани Кенгаши раиси Мамажонов Равшан Раҳмонжонович, доимий комиссиялар раислари Ф. Отабоев, Ғ. Юлдашев, М. Садриддинов ҳамда Кенгаш котибияти мудири Эргашева Мунисхон Рустамбековна томонидан Янгиқўрғон тумани Фавқулодда вазиятлар бўлимида соҳага оид қонун ҳужжатлари ижроси депутатлик назорати тартибида ўрганилди.

Ўрганиш давомида Ўзбекистон Республикасининг 2009 йил 30 сентябрдаги ЎРҚ–226-сонли «Ёнғин хавфсизлиги тўғрисида»ги Қонуни талабларининг бажарилиши атрофлича таҳлил қилинди.
Жараёнда аҳоли ва ҳудудларни фавқулодда вазиятлардан муҳофаза қилиш, ёнғинларнинг олдини олиш, қутқарув хизматларининг доимий шайлигини таъминлаш, фуқаро муҳофазаси тадбирларини ташкил этиш ҳамда сейсмик хавфсизлик чораларини кучайтириш борасида амалга оширилаётган ишлар муҳокама қилинди.
Шунингдек, масъул ходимларнинг ахборотлари тингланиб, мавжуд муаммолар, профилактик тадбирларнинг самарадорлиги, махсус техника ва воситаларнинг техник ҳолати ҳамда фавқулодда вазиятларга тезкор жавоб бериш имкониятлари ўрганилди.
Ўрганиш якунлари бўйича аниқланган камчиликларни бартараф этиш, аҳоли ўртасида ёнғин ва фавқулодда вазиятларнинг олдини олишга қаратилган тарғибот-профилактика ишларини янада кучайтириш, шунингдек, тегишли ташкилотлар билан ҳамкорликни мустаҳкамлаш юзасидан масъулларга тегишли тавсия ва кўрсатмалар берилди.