🔷 Xalq deputatlari Shovot tumani Kengashi kotibiyati mudiri, 24-Gulshan saylov okrugi deputati Masharipov Izzat Masharipovich hamda kotibiyat bosh mutaxassisi Umrbek Ruzmetovlar tomonidan O‘zbekiston Respublikasi Prezidenti hujjatlari, Oliy Majlis palatalari va Vazirlar Mahkamasi qarorlari, shuningdek, oliy darajadagi tashriflar yakunlari bo‘yicha ishlab chiqilgan “Yo‘l xaritalari” ijrosi yuzasidan belgilangan vazifalarning bajarilishi manzilli ravishda o‘rganilmoqda.
🔹 Jumladan, O‘zbekiston Respublikasi Vazirlar Mahkamasining 2025-yil 7-maydagi “Energiya samaradorligini oshirishga qaratilgan loyihalarni jadallashtirish chora-tadbirlari to‘g‘risida”gi 300-son qarori asosida Shovot tumanining “Oq oltin” mahallasidagi 25-son umumiy o‘rta ta’lim maktabini mukammal ta’mirlash uchun 7 milliard 700 million so‘m mablag‘ ajratilgan.
🔹 O‘rganish davomida mazkur obyektda olib borilayotgan qurilish-ta’mirlash ishlari bilan yaqindan tanishildi. Qurilish ishlari “Kamfort Suv Gaz Qurilish” tashkiloti tomonidan amalga oshirilayotgan bo‘lib, bugungi kunga qadar belgilangan ishlarning muayyan qismi sifatli bajarilgani kuzatildi.
🔷 Deputatlik nazorati doirasida qurilish-ta’mirlash ishlarining sifati, belgilangan muddatlarda yakunlanishi hamda ajratilgan mablag‘larning maqsadli sarflanishi yuzasidan monitoring ishlari izchil davom ettirilmoqda.