Xalq deputatlari Nurobod tumani Kengashi deputati Sh.To‘g‘ayeva tomonidan 22-Oltinsoy saylov okrugi hududida joylashgan Oltinsoy mahallasida faoliyat yuritayotgan, fuqaro Omonova Surayyo Ahmed qizi tomonidan tashkil etilgan oilaviy bolalar uyiga tashrif buyurildi.

Tashrif davomida oilaviy bolalar uyida tarbiyalanayotgan yetim va ota-ona qaramog‘idan mahrum bo‘lgan bolalarning yashash sharoitlari, ularga yaratilgan imkoniyatlar, ta’lim-tarbiya jarayoni hamda sog‘lig‘i bilan bog‘liq holatlar o‘rganildi.

Shuningdek, bolalar va tarbiyachi bilan samimiy muloqot o‘tkazilib, ularning muammo va takliflari tinglandi. Aniqlangan masalalarni tegishli mutasaddi tashkilotlar bilan hamkorlikda hal etish yuzasidan tegishli chora-tadbirlar ko‘rish belgilandi.

Xalq deputatlari Nurobod tumani Kengashi deputatlari tomonidan ijtimoiy himoyaga muhtoj fuqarolar, jumladan, oilaviy bolalar uylarida tarbiyalanayotgan bolalarning huquq va manfaatlarini himoya qilish, ularga yaratilgan shart-sharoitlarni o‘rganish hamda mavjud muammolarni bartaraf etishga qaratilgan ishlar tizimli ravishda davom ettirilmoqda.