Xalq deputatlari Parkent tuman Kengashining 19-"Chashma" saylov okrugidan saylangan deputat Xojiboyev Jalol Xotamboyevich tomonidan o‘zi saylangan okrug hududidagi "Chashma" MFYda joylashgan "So‘qoq madaniyat markazi" faoliyati jamoatchilik nazorati doirasida o‘rganildi.O‘rganish jarayonida madaniyat markazi rahbari E.Ergashov hamda an’anaviy xonandachilik to‘garagi rahbari A. Qosimjonov bilan suhbat o‘tkazildi. Suhbat davomida markazda faoliyat yuritayotgan to‘garaklar,ularga jalb qilingan o‘quvchilar soni, yoshlar va xotin-qizlar uchun tashkil etilayotgan madaniy-ma’rifiy tadbirlar hamda aholiga ko‘rsatilayotgan madaniy
xizmatlar sifati muhokama qilindi.Shuningdek, markazning moddiy-texnik bazasi, binoning umumiy holati, sahna jihozlari va mavjud anjomlar ko‘zdan kechirildi.O‘rganish davomida madaniyat muassasalari faoliyatini yanada rivojlantirish, yoshlarning bo‘sh vaqtini mazmunli tashkil etish, milliy qadriyatlarni keng targ‘ib etish hamda to‘garaklar faoliyati samaradorligini oshirish yuzasidan tavsiyalar bildirildi.Xalq deputatlari Parkent tuman Kengashi tomonidan hududlardagi madaniyat muassasalari faoliyati ustidan jamoatchilik nazorati izchil davom ettiriladi.