🏫 Maktabdagi qurilish va rekonstruksiya ishlari nazoratda

👤 Xalq deputatlari Sherobod tuman Kengashi kotibiyati mudiri O. Tursunov tomonidan "Cho‘yinchi" mahallasidagi 56-son umumta'lim maktabida olib borilayotgan qurilish va rekonstruksiya ishlari joyiga chiqib ko‘zdan kechirildi.

🏗 O‘rganish davomida qurilish ishlarining borishi, belgilangan muddatlarga rioya etilishi, bajarilayotgan ishlar sifati hamda loyiha talablariga muvofiqligi yuzasidan monitoring olib borildi. Mas'ul tashkilot vakillari bilan amalga oshirilayotgan ishlar muhokama qilinib, qurilishni belgilangan muddatlarda sifatli yakunlash yuzasidan tavsiyalar berildi.

📄 Mazkur loyiha O‘zbekiston Respublikasi Prezidentining “2026–2028-yillarda O‘zbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari to‘g‘risida”gi PQ-393-son qarori asosida amalga oshirilmoqda.

🎓 Rekonstruksiya ishlari yakunlangach, maktabda ta'lim oluvchi o‘quvchilar uchun zamonaviy va qulay sharoitlar yaratiladi hamda ta'lim sifatini yanada oshirishga xizmat qiladi.