Xalq deputatlari Bekobod shahar kengashi 2-“Do‘stlik” saylov okrugi deputati O‘zMTDP a’zosi K.Shukurov, kotibiyat bosh mutaxassisi U.Abdunazarov “Buloq ariq” mahallasidagi Madaniyat uyi va kutubxona faoliyati o‘rganildi. Mazkur kutubxonada jami kitoblar fondi 12347 dona bo‘lib, 1472 nafar kitobxonlar ro‘yxati mavjud. Kitobxonlar tomonidan kitoblar mutolasi uchun shart-sharoitlar yaratilgan. Shuningdek, Madaniyat uyida 10 ta turli xil to‘garaklar faoliyat olib boradi. Binoning holati ko‘zdan kechirilganda bino ichki xonalarini tom qismi va pol qismida ta’mirlash ishlariga ehtiyoj mavjudligi aniqlandi. Ushbu muammoni hal etish yuzasidan yuqori turuvchi tashkilotga deputat so‘rovi bilan murojaat etishga kelishib olindi.