Fuqarolar qabuli o‘tkazildi

Xalq deputatlari Qiziriq tumani Kengashi kotibiyati mudiri, tuman Kengashiga 4-Zarobod saylov okrugidan saylangan deputat K.Muhammadiyev "Zarobod" mahallasida mahalla raisi hamda mahalla yettiligi a’zolari bilan birgalikda fuqarolar qabuli o‘tkazdi.

Qabul davomida fuqarolar tomonidan ichimlik suvi ta’minoti, elektr energiyasi, yo‘l infratuzilmasi, bandlik, ijtimoiy yordam hamda boshqa dolzarb masalalar yuzasidan murojaatlar tinglandi.

Har bir murojaat yuzasidan mas’ullar ishtirokida atroflicha muhokama o‘tkazilib, ularni qonunchilik doirasida hal etish bo‘yicha tegishli kelishib olindi. Shuningdek, qo‘shimcha o‘rganish talab etiladigan masalalar nazoratga olinib, ularning ijrosini ta’minlash yuzasidan aniq vazifalar belgilandi.

Fuqarolar bilan ochiq muloqot qilish, ularning muammolarini joyida o‘rganish va amaliy yechim topish borasidagi bunday qabullar aholi manfaatlarini ta’minlash hamda hududdagi dolzarb masalalarni o‘z vaqtida bartaraf etishda muhim ahamiyat kasb etmoqda.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram