Xalq deputatlari Pastdarg‘om tuman Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi yig‘ilishida tumanda xotin-qizlarni tazyiq va zo‘ravonlikdan himoya qilish, ularning huquq va qonuniy manfaatlarini ta’minlash hamda profilaktik ishlar samaradorligini oshirish masalasi ko‘rib chiqildi.

Muhokamalar davomida O‘zbekiston Respublikasining “Xotin-qizlarni tazyiq va zo‘ravonlikdan himoya qilish to‘g‘risida”gi hamda “Gender tenglikni ta’minlash to‘g‘risida”gi qonunlari ijrosi yuzasidan amalga oshirilayotgan ishlar tahlil qilinib, mavjud vazifalar belgilab olindi.

Yig‘ilish yakunida Pastdarg‘om tumanida “Xotin-qizlarni tazyiq va zo‘ravonlikdan himoya qilish” borasidagi chora-tadbirlar dasturi tasdiqlandi.

Mazkur masala xalq deputatlari Pastdarg‘om tuman Kengashining navbatdagi sessiyasi kun tartibiga kiritildi.