Xalq deputatlari Pastdarg‘om tuman Kengashi deputati N. Allayorova tomonidan Ilm mahallasi hududida faoliyat yuritayotgan oilaviy shifokorlik punkti (OSHP) xodimlari bilan uchrashuv tashkil etildi.

Uchrashuv davomida sog‘liqni saqlash tizimida shaffoflikni ta’minlash, korrupsiyaviy holatlarning oldini olish, bemorlarga xizmat ko‘rsatishda halollik va adolat tamoyillariga qat’iy rioya etish masalalari atroflicha muhokama qilindi.

Shuningdek, tibbiyot xodimlariga korrupsiyaga qarshi kurashish bo‘yicha amaldagi qonunchilik talablari va javobgarlik choralari yuzasidan tushuntirishlar berildi.

Xodimlar o‘z faoliyatida ochiqlik va mas’uliyatni yanada kuchaytirish bo‘yicha fikr va takliflarini bildirdilar.

Uchrashuv yakunida sog‘liqni saqlash sohasida sifatli va halol xizmat ko‘rsatishni ta’minlash, aholining ishonchini mustahkamlash bo‘yicha hamkorlikda ishlashga kelishib olindi.