O‘rganish jarayonida biologik hojatxonalarning sanitariya-gigiyena talablari asosida saqlanishi, texnik sozligi, muntazam tozalanishi hamda fuqarolar foydalanishi uchun yaratilgan qulayliklar ko‘zdan kechirildi. Shuningdek, ushbu inshootlarning ekologik talablarga muvofiqligi va atrof-muhitga salbiy ta’sir ko‘rsatmasdan faoliyat yuritishi holati ham baholandi.

O‘rganish natijalariga ko‘ra, biologik hojatxonalar belgilangan tartibda saqlanayotgani, tozalik va sanitariya qoidalariga rioya etilayotgani hamda aholiga sifatli xizmat ko‘rsatish uchun zarur choralar ko‘rilayotgani aniqlandi. Ayrim yo‘nalishlarda xizmat ko‘rsatish sifatini yanada oshirish va obodonlashtirish ishlarini kuchaytirish yuzasidan mas’ullarga tegishli tavsiyalar berildi.

Deputat tomonidan jamoat joylarida sanitariya-gigiyena madaniyatini yuksaltirish, fuqarolar uchun qulay va zamonaviy sharoitlar yaratish hamda ekologik xavfsizlikni ta’minlash masalalari doimiy nazoratda ekani ta’kidlandi. Mazkur yo‘nalishdagi o‘rganishlar davom ettirilmoqda.